Esta sección naceu para salvar a brecha existente entre as primeiras experiencias cinematográficas e os circuítos profesionais. Eses primeiros traballos que non teñen fácil acceso a espazos de difusión atopan en Supernova o seu lugar. O festival quere empregar esta sección para que cineastas emerxentes aprendan a presentar, defender e acompañar os seus filmes e, para isto, encargarase de que entre o público haxa sempre programadores, produtores e realizadores máis experimentados que poidan cuestionar as propostas e enriquecer os coloquios.
Ler máis Ver menosDuración: 130m 26s
Nacho Ozores
Cris, un ecoloxista medioambiental que loita por repoboar o bosque, atópase cos indicios dun incendio forestal claramente intencionado a punto de estalar. Tras evitalo, descobre ao responsable disto tratando de solventar ese anterior intento fallido. Cris fará o posible por impedilo de novo.
Alejandro Sixto García
A funeraria Ruibal vese ameazada pola chegada da familia rusa smirnoff que tamén ten como negocio familiar o dos enterros. O Sr.Ruibal, xefe da familia local, xunto cos seus dous fillos, trata de expulsar pacificamente aos rusos, mais estes resultan ser moito máis perigosos do que se esperaban e as negociacións non saen como se planearon.
Lautaro Herrera Batallán
20 años despois de que Carlota entrase en coma, os seus pais Antonio e María viven hoxe sen apenas mirarse, o único que os mantén unidos é a súa filla. El, gafe e firme defensor da cultura do non esforzarse, espera que un golpe de sorte lle cambie a vida. Ela, severa e dona da casa, vive esperando a que el se vaia da súa casa. O seu día a día é aburrido, pero en calquera momento todo pode cambiar. A sorte e a morte poden aparecer en calquera momento. Será este o día?
Marta Valverde
Papá traballa nunha fábrica facendo pezas de motores de coche. Exactamente 8000 pezas diarias. Papá non acaba de entender que fai a súa filla cunha cámara, pero sabe que, ao final, o que queren, son máis pezas.
Adela Dávila
Unha fotografía é unha comparación entre o tempo presente e o tempo pasado pero, é o momento rexistrado igual ao momento vivido? As lembranzas establecen unha fronteira, un punto de xiro que nos envorca a vida. Rodeámonos da súa forma material para darlles un lugar onde habitar, para que tamén eles nos habiten a nós.
Pedro Vilas
Carla sae unha noite de festa. De volta a casa atópase a unha chica aturdida á que intenta axudar. Afróntase, entón, a unha siituación inesperada na que sae a flote unha parte da súa personalidade que estaba durmida.
Aldara Pagán
Un irreductible alento de loucura intermitente desquicia o seu pensamento, aínda cálido, descubrindo unha sensación insoportable de abandono idealizado.
Lucía Estévez
O grupo de teatro Muxicas é un colectivo artístico formado na súa maioría por actrices e actores con cegueira ou cunha discapacidade visual grave. Con esta peza tratamos de reflexionar sobre a ausencia das persoas con cegueira no panorama audiovisual galego, concretamente no eido interpretativo.
Sol Mussa
Curtametraxe de xénero documental que mestura imaxes dun almacén de traballo con exteriores de Londres. Retrátanse as dificultades da cidade a través dos traballadores do almacén, os propios pensamentos de alguén que está vivindo o cambio ao novo lugar ou do Brexit. As imaxes están tratadas de forma experimental e permiten falar da memoria e dos cambios.
Arancha Brandón
Tras o encontro de dous animais no río, cóntanse lendas familiares e lembranzas da infancia no rural galego dos anos 60. Unha viaxe surrealista entre o pasado e o presente a través das vivencias da nai da directora.
